Назарбаев Университетінің Жоғары бизнес мектебі әлемдегі үздіктердің қатарына енді
Назарбаев Университетінің (NU) Жоғары бизнес мектебі ресми түрде MBA Ассоциациясы (AMBA) мен Бизнес түлектері қауымдастығының (BGA) халықаралық аккредитациясын алды, - деп хабарлайды "Opennews.kz" ақпарат агенттігі.
Әлемде бұл аккредитацияға бизнес-мектептердің тек 2%-ы ғана қолжеткізе алады. AMBA мен BGA-ның бірлескен аккредитациясы ауқымды бағалау процесінен кейін ғана әлем елдерінің арасында 300 бизнес мектепке беріледі. Аккредитацияға өтініш білдірген мектептер алдымен төрт сатылы бағалау процесінен өтеді. Мұнда жазбаша есеп беру мен шетелдік делегацияның сапары кіреді.
AMBA комиссиясы бизнес мектептің бағдарламаларына, пәндердің тізімі мен мазмұнынан басқа жалпы университеттегі оқыту сапасын қарастырады. Оған қоса профессорлардың деңгейі мен олардың зерттеулерін бағалайды. Сонымен қатар MBA студенттері мен түлектерінен оқу кезіндегі тәжірибелері туралы сауалнама жүргізіп, тіпті жұмыс берушілерден де кері байланыс алады. NU Жоғары бизнес мектебі қауымдастық белгілеген қатаң стандарттардан жеңіл өтіп, тіпті асып түсті.
NU Жоғары бизнес мектебі 10 жыл ішінде өзінің 550-ден астам бизнес көшбасшысын дайындап шығарды. Ал 2024 жылдың қаңтарында тағы да 50 студенттен тұратын тағы бір топ қосылады. Желтоқсан айында МВА түлектері тәжірибе алмасу үшін Дьюк университетіне барады. Бұл сапар олардың бағдарламасының ажырамас бөлігі.
МВА-дан бөлек, мектеп бизнесті басқару бойынша докторлықты, қаржы магистрін және басқарушылық МВА дәрежесін ұсынады. Дәл қазір соңғы дәрежеге қабылдау жұмыстары қызу жүріп жатыр. NU Жоғары бизнес мектебі осы бағдарламалардың барлығын ағылшын тілінде ұсынатын Қазақстандағы AMBA аккредитациясынан өткен жалғыз бизнес мектебі.
Оның айтуынша, AMBA және BGA аккредитациясы мектепке магистранттарды бизнестің бәсекеге қабілетті әлемінде табысқа жету үшін қажетті дағды, біліммен қаруландырады.