Мектеппен соттасқан мұғалімдер 10 млн теңгеге жуық өтемақы өндіріп алды

Жамбыл облысында жұмыстан заңсыз қуылған үш мұғалім директормен соттасып, қызметтеріне қайта оралды, - деп хабарлайды "Opennews.kz" ақпарат агенттігі.

Жуалы аудандық сотының мәліметінше, аудандық мектеп пен үш ұстаз арасындағы еңбек даулары қаралды. 

Сотпен анықталғандай, мектеп директоры мен талап қоюшылардың зейнеткерлік жасқа жетуіне байланысты қызметінен босатылуына байланысты еңбек дауы туындаған. 

Білім ордасының басшысы талап қоюшыларды зейнеткерлік жастарына келуіне байланысты еңбек шартының тоқтатылатыны туралы зейнетке толғанға дейін ескерту хатымен таныстырған. Бұл зейнеткерлік жасқа толғаннан кейін еңбек шартын бұзу күніне дейін кемінде 1 ай бұрын хабардар ету қажеттігі туралы құқықтарын бұзған.

Сот шешімдерімен талап қою арыздары ішінара қанағаттандырылды. Жұмыстан босату туралы хабарламалар мен бұйрықтар заңсыз деп танылып, мұғалімдер бұрынғы лауазымдарына қалпына келтірілді. Сонымен қатар талап қоюшылардың пайдасына жалпы сомасы 9 млн теңгеден астам жалақы, 300 мың теңге моральдық зиян және өкілдің қызметтері үшін 900 мың теңге мөлшерінде шығыстар өндірілді. 

Бұл шешімдер заңды күшіне енген жоқ.