Бастауыш сынып мұғалімдеріне арналған республикалық шахмат турнирі өтеді

"Зияткер ұстаз" турниріне тіркелу басталды,-деп хабарлайды Opennews.kz ақпарат агенттігі. 

Жүлде қоры – 2 миллион теңге. Аймақтық іріктеу кезеңі 8 қарашада онлайн, финалдық кезең 12 желтоқсанда Астанада офлайн форматта өтеді.

Турнирге "Шахмат негіздері" пәнінен сабақ беретін бастауыш сынып мұғалімдері қатыса алады. Өтінімдер 6 қараша сағат 12:00-ге дейін қабылданады.

Қазіргі таңда бұл пән еліміздегі 1500-ден астам мектепте енгізіліп, 60 мыңнан астам оқушыны қамтып отыр. Бағдарлама арқылы стратегиялық ойлау қабілеті жоғары интеллектуалды ұрпақ тәрбиелеу көзделген.