Мектептер мен ЖОО-ларға қатысты бірқатар маңызды өзгерістер енгізілді
Президент Қасым-Жомарт Тоқаев мәдениет, білім беру, отбасы және мемлекеттік бақылау мәселелеріне қатысты заңнамаларға өзгерістер енгізетін заңға қол қойды,-деп хабарлайды Opennews.kz ақпарат агенттігі.
Білім беру саласындағы негізгі жаңалықтар:
Ерекше қажеттілігі бар балалардың ата-аналары, сондай-ақ ауыр науқас туыстарына күтім жасайтын түлектер мемлекеттік грант бойынша оқу бітіргеннен кейін міндетті жұмыс өтеуден босатылады.
Шетелде оқуын жалғастыратындар (резидентура, магистратура, аспирантура, докторантура) үшін грант бойынша міндеттемелерді кейінге қалдыруға болады.
Халықаралық ғылыми жарыстардың жеңімпаздары ақшалай сыйақы алады. Мектеп оқушылары үшін сыйақы көлемі 6 млн теңгеге дейін жетеді. Санитариялық қызмет енді мектеп асханалары мен жазғы лагерьлерді алдын ала ескертусіз тексере алады. Мемлекеттік балабақшаларға бөлінген жер учаскелерін жеке меншікке беруге тыйым салынады.
