Қазақстанда 35 мың шетелдік студент білім алып жатыр
2 506
Қазақстанда 88 елден келген 35 мыңнан астам шетелдік студент жоғары білім алып жатыр,- деп хабарлайды Оpennews.kz ақпарат агенттігі.
Министрлік мәліметінше, шетелдік студенттердің негізгі легі Үндістан, Түрікменстан, Өзбекстан, Қытай және Ресейден келген.
Қазақстан халықаралық білім беру саласын белсенді дамытып, шетелдік университеттермен әріптестікті күшейтіп отыр. Үкіметтің негізгі мақсаттарының бірі – 2029 жылға қарай шетелдік студенттер санын 150 мыңға дейін жеткізу. Бұл бағыттағы саясат Қазақстанды Еуразия кеңістігіндегі аймақтық білім беру саласына айналдыруды көздейді, - дейді министрлік.
