Жаңа оқу жылынан бастап мектептерде жаңа пән оқытылады
2 523
Қазақстан мектептерінде жол қозғалысы ережелері жеке пән ретінде қарастырылады. Мұны оқу-ағарту министрі Жұлдыз Сүлейменова мәлімдеген,- деп хабарлайды Оpennews.kz ақпарат агенттігі.
Министрдің айтуынша, 2026-2027 оқу жылында "Қазақстан балалары" бағдарламасы аясында "Жеке қауіпсіздік" атты жаңа пән енгізіледі
Бұл пән жол қозғалысы ережелерін, сондай-ақ балалардың қауіпсіздігі мәселелерін қамтиды. Пән оқу бағдарламасына енгізіледі. Сондай-ақ жеке қауіпсіздік және қоғамдық орындардағы қауіпсіздік тақырыптары болады. Балаларды оқытуда шешілуі қажет барлық өзекті мәселе ескерілді, – деді Жұлдыз Сүлейменова.
Оның айтуынша, бағдарламаны Ыбырай Алтынсарин атындағы ұлттық білім беру академиясы мен "Өркен" орталығы әзірлеген. Бұл пәнді мұғалімдер мен психологтар оқытады және 5-9 сыныптарда енгізіледі.
