RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Білім
62

«Заковат» зияткерлік ойынының І Орталық Азия кубогында Қазақстан жеңіске жетті

Өзбекстан астанасында «Заковат» зияткерлік ойынының спорттық нұсқасы бойынша I Орталық Азия кубогы аясындағы брейн-ринг турнирінің финалында Қазақстанның «Простые работяги» командасы жеңіске жетті, - деп хабарлайды Opennews.kz ақпарат агенттігі «Заковат» зияткерлік клубының Telegram арнасына сілтеме жасап.

Бүгін «Заковат» зияткерлік ойынының спорттық нұсқасы бойынша І Орталық Азия кубогы аясындағы брейн-ринг турнирі өз мәресіне жетті.


«Қиын бәсекеде өткен финалдың алғашқы кездесуінде Өзбекстан командасы қазақстандық қарсыластарын 6:2 есебімен ұтты. Екінші ойында қазақ білімпаздары 4:2 есебімен жеңіске жетті. Соңғы шешуші ойында да қазақстандықтар 5:2 есебімен жеңіске жетіп, кубокты иеленді», - делінген хабарламада.


Жеңімпаздарға кубокты Өзбекстан президенті әкімшілігі басшысының орынбасары Комил Алладжонов табыс етті.
Турнир қорытындысы бойынша, 2-орынды Өзбекстанның «Мы» командасы, 3-орынды да жергілікті «Мистерия» командасы иеленген.


Жеңімпаз командаға 100 млн сум көлемінде сыйақы табысталды.
Екінші орын үшін 60 млн сум, үшінші орынға 40 млн сум сыйақы берілді.