Қызылорда облысында оқ атқан азамат ұсталды

Қызылорда облысы Сырдария ауданы Тереңөзек кентінде ауаға оқ атқан азамат құрықталды, - деп хабарлайды "Opennews.kz" ақпарат агенттігі Рolisia.kz-ке сілтеме жасап.

Оқиға 29 тамыздан 30 тамызға қараған түні Тереңөзек ауылында болғаны анықталды. Аталған факті бойынша ҚР ҚК-нің 293-бабымен (Бұзақылық) сотқа дейінгі тергеу амалдары жүргізіліп жатыр.

Құқық бұзушы аудандық полиция бөліміне жеткізілді. Сонымен қатар бейнежазбадағы көлік иесі де анықталды.

ІІО-ның есебінде жоқ газды қару тәркіленіп, тиісті сараптамалар тағайындалды. Тергеу жалғасып жатыр.