Қызылорда қаласының жаңа прокуроры тағайындалды

Қызылорда қаласының прокуроры болып әділет кеңесшісі Жандарбек Сұлтанбекұлы тағайындалды, - деп хабарлайды "Opennews.kz" ақпарат агенттігі.

Жандарбек Сұлтанбекұлы прокуратура органдарындағы қызметін 2010ж. Алматы қаласы Алмалы ауданы прокурорының көмекшісі лауазымынан бастаған.

Әрі қарай Алматы қаласы Алмалы ауданы прокурорының аға көмекшісі, Алматы қаласы прокуратурасының басқарма прокуроры, Бас прокуратураның департаментінде бөлім прокуроры, Алматы қаласы Медеу ауданы прокурорының орынбасары қызметтерін атқарған.

2021ж. бүгінгі күнге дейін Жамбыл облысы Байзақ ауданының прокуроры лауазымын атқарған.

Қызметтік міндеттерін мінсіз атқарғаны үшін «2 дәрежелі Айбын» орденімен наградталған.

Прокуратура органдарындағы еңбек өтілі 13 жылдан астам.