«Жасыл ел» жастар еңбек жасақтарының жұмыс маусымының ашылу салтанаты өтті

Қызылорда облысында «Жасыл ел» жастар еңбек жасақтарының кезекті еңбек маусымының ашылу салтанаты өтті,- деп хабарлайды "Opennews.kz" ақпарат агенттігі.

2005 жылдан бері жүзеге асып келе жатқан «Жасыл ел» жалпыұлттық жобасына биыл 20 жыл толды. Бұл — жастарды еңбекке баулу мен әлеуетін арттыруға бағытталған маңызды бастамалардың бірі. Мерейтойлық шараға қала мен аудандардан 100-ге жуық жас пен зиялы қауым өкілдері қатысты.  «Жасыл ел» қозғалысы жастарды еңбекке баулып қана қоймай, ортақ идеялар төңірегінде топтастыруда. Жобаға биыл 1 200 жас маусымдық жұмыспен, орналастыру, қажетті экипировкамен, құрал-саймандармен қамтамасыз етіледі.

Бүгінгі шара аясында еңбекші жастар Қызылорда қаласындағы «Ботаникалық бақты» көркейту-көгалдандыру жұмыстарын жүргізді.