Қызылордада ер адам көршісі мен қызын пышақтап өлтірген
1 518
Қызылордада 8 қаңтарға қараған түні пышақ жарақаты салдарынан қала тұрғыны мен оның 34 жастағы қызы көз жұмды, - деп хабарлайды "Opennews.kz" ақпарат агенттігі.
Оқиға туралы полицияға қаза тапқандардың көршілері хабарлаған.
"Оқиға орнына жедел жеткен патрульдік полиция экипажы күдіктіні қылмыс орнында ұстады. Ұсталған азамат – жәбірленушілердің көршісі", - деп жазылған хабарламада.
Адам өлтіру дерегі бойынша қылмыстық іс қозғалды.
Қазіргі уақытта барлық қажетті тергеу әрекеттері жүргізіліп жатыр. Күдікті уақытша ұстау изоляторына қамауға алынды.
Оқиғаның мән-жайы анықталып жатыр. Тергеу мүддесіне байланысты өзге ақпарат жария етілмейді.
