Қызылордада 4 жастағы бала терезеден құлап кете жаздады

Қызылордада құтқарушылар терезе алдында отырған кішкентай баланы құтқарып қалды, - деп хабарлайды Opennews.kz ақпарат агенттігі qandastar.kz сайтына сілтеме жасап.

Оқиға Чайковский көшесіндегі бес қабатты тұрғын үйлердің бірінде болған.Үшінші қабаттағы пәтердің ашық терезесінде отырған баланы байқаған тұрғындар бірден төтенше жағдай қызметіне хабарласқан. Оқиға орнына жедел жеткен құтқарушылар арнайы үш иінді сатыны пайдаланып, терезе маңында тұрған баланы қауіпсіз жерге алып шықты.  Пәтердің есігі іштен құлыптаулы болған, ал ата-анасы үйде болмаған.Шамамен 4 жастағы бала кейін полиция қызметкерлеріне тапсырылды. Абырой болғанда, ешкім  зиян келмеген. 

ТЖМ ата-аналарға кішкентай балаларды қараусыз қалдырмауға және терезелерге арнайы қорғаныс құрылғыларын орнатуға кеңес берді.