Әсел Асқарды күйеуі үйінен қуып жіберген

Актриса әрі блогер Әсел Асқар екінші күйеуімен ажырасқанын мәлімдеді, деп хабарлайды Opennews.kz ақпарат агенттігі. 



Әселдің айтуынша, күйеуі Айбек қиын кезде қолдау көрсетпеген. Шетінеген баланың қырық күні өтпей жанжал шығарып, қайғыдан қан жұтқан ананы үйінен қуып шығыпты.

Бастапқыда бірнеше рет үндемедім, себебі оған шай әзірлеп беретіндей күшім болған жоқ. Баланы жерлеген соң 40 күн жылап отырғанда, ол мені қолдамады. Керісінше үйден қуып шықты. Бұл қайғы ортақ қой. Меніңше, бұл - нағыз қатыгездік. Өте ауыр тиді, - деді Әсел Асқар "MOM'sкий әңгіме" жобасында.

Дәл осы жағдайдан кейін Әсел екінші күйеуімен ажырасып кеткен. Қазіргі таңда бұрынғы ерлі-зайыптылар өзара қарым-қатынасын толықтай үзген. Блогердің айтуынша, бүгінде экс-жолдасы басқа қыздармен кездесіп, сауық-кештерде көңіл көтеріп жүрген көрінеді.