Димаш Құдайберген су тасқынынан зардап шеккендерге 15 млн теңге аударды
2 546
Димаш Құдайбергенов саяжай аумағында тұратын, бірақ қазір баспанасын тастап № 40 мектепте уақытша тұрып жатқан тұрғындармен кездесті, - деп хабарлайды "Opennews.kz" ақпарат агенттігі «ҚазАқпаратқа» сілтеме жасап.
Ол алдымен баспанасына су кірген қамкөңіл жерлестеріне демеу болып, олардың жанынан табылды.
Жылы сөзін арнап, Мемлекет басшысы Қасым-Жомарт Тоқаевтің тапсырмасы негізінде елдегі атқарылып жатқан істерге тоқталды.
"Бала кезден бастап тілеуімді тілеп, биікке қанат қағып, қалықтап жүруіме тілекші болып жүрген жерлестерімнің қал-жағдайын білмей кете алмадым. Жаңалықтардан мемлекет тарапынан ауқымды сомада көмек беріліп жатыр дегенді оқып жатырмын. Ең бастысы, еліміз аман болсын, жұртымыз тыныш болсын", - деді әнші.
Өзі де игі істен шет қалмай, туған жеріне сапары барысында қайырымдылық қорға ақша аударды.
