Ұланғасыр Қами болашақ әйеліне хиджаб кимесе алмайтынын айтты

22 шілде 2024, 11:48

2 511

Эстрада жұлдызы Ұланғасыр Қами хиджаб киетін қыздарға қатысты ойын айтты. Өнер иесі болашақта тек хиджаб киетін аруға үйленетінін де жасырмады, - деп хабарлайды "Opennews.kz" ақпарат агенттігі.

"Күйеуі әйелін өлтіріп қойды дегеннің бәрі хиджаб кимегеннен басталған шығар. Ұстаздар баяғыдан айтып келе жатыр, ондай оқиғалар көп негізі. Әйелі санын жалтыратып көшеге шығады, одан соң біреу оған қызығады, оны күйеуі естіп, өлтіріп қояды. "Хиджаб арабтікі, неге адасасыздар, оның бәрін шешеді бір күні" дейді. Шешпейді. Шын түсінген әйел басын кесіп алса да шешпейді. Көп айтпай-ақ қояйын. Ешкіде менің шаруам жоқ. Мен ертең әйеліме кигіземін. Басқалары кигізе ме, шешіндіре ме, шаруам жоқ. Өзімдікіне кигіземін, бұған көнетін әйел аламын, көнбесе алмаймын. Мен бастысы оның не үшін керек екенін түсініп тұрмын және оны түсінетін әйел іздеймін", - деді ол.

Осы ретте хитмен хиджаб киюдің өзі үшін қандай маңызға ие екенін түсіндіре кетті.

"Ал енді неге хиджаб кигізесің?" десеңіздер, ер адам туғаннан бастап өлгенге дейін жауапкершілік алады.Ал үйленгеннен кейін екінші адам үшін де саған жауапкершілік жүктеледі, ақіретте екі адам үшін сұраласың. Сол үшін де ертең хиджаб киіп, дұрыс жүрмейтін әйел болса, үйленбей-ақ қойған дұрыс деп ойлаймын. Өйткені өзімізді қатыра алмай жүргенде екінші адам үшін сұралғым келмейді", - деді Ұланғасыр Қами.