Қытай билігі Қайрат Нұртасқа кейбір әндерін орындауға рұқсат бермеді
2 608
Танымал әнші Қайрат Нұртас Қытай еліне гастролдік сапармен барды, -деп хабарлайды "Opennews.kz" ақпарат агенттігі.
Өнер иесінің концерті қалай өткенін продюсері, анасы Гүлзира Үсенқызы айтып берді. Арт-диркторының сөзінше, қытайлық билік әншіге “Ауырмайды жүрек” атты танымал әнін орындауға рұқсат бермеген.
“Егер тексеруден өтпеген әндер айтылып, фонограммамен кетсе, концертті тоқтатып, ұйымдастырушыға қомақты айыппұл салынады. Біздің алдымызда 2-3 әншінің концертін солай тоқтатқан екен. Әрбір әннің сөзін тексеріп, ұйғыр халқының қатты күткен “Ауырмайды жүрек” және тағы 3-4 әнді орындауға рұқсат бермеді. Жанды дауыста айтылу жағы да тексерілді”, – деді продюсер.
Сондай-ақ өнер иесі қытайлық тыңдарманға рақмет айтып, ықыластарына алғыс білдірді.
