«Тәжірибе жинап алдым»: Мөлдір Мұқанова ажырасу туралы кино түсіруге кірісті
Продюсер Мөлдір Мұқанова екінші киносын түсіруге кірісіп, қоғамдағы өзекті тақырып – ажырасу мәселесін кино арқылы көрсетуге ниетті,-деп хабарлайды Opennews.kz ақпарат агенттігі.
Продюсер өзінің алғашқы фильмінің жабық көрсетілімін өткізді. Сол сәтте Мөлдір Мұқанова залға кіруге қобалжып, алғашқы тәжірибесінің кейбір кемшіліктерін түсінгенін жеткізді. «Тәжірибе жинап алдық. Келесі киноға идея көп. Осы жолы жай шет жағасын жеңіл-желпі көрсеттік», – деді ол.
Жаңа фильмнің сценарийі әзірленіп жатыр. Мөлдір Мұқанова бұл фильм арқылы қоғамдағы ажырасу деңгейін төмендетуге ықпал етуді көздейтінін атап өтті: «Егер кино кем дегенде 10% отбасына әсер етсе, бұл үлкен жетістік болады». Продюсер жаңа жобасын жақын арада көрерменге ұсынуды жоспарлап отыр.
