Танымал актёр Жан Байжанбаев “Парасат” орденімен марапатталды
1 566
Белгілі актёр Жан Байжанбаев мәдениет пен өнер саласындағы елеулі еңбегі үшін “Парасат” орденімен марапатталды,-деп хабарлайды Opennews.kz ақпарат агенттігі.
Қуанышты хабарды продюсер Ерлан Бұхарбаев әлеуметтік желідегі парақшасында бөлісіп, өнер иесін құттықтады. Ол актердің елдің рухани және зиялық әлеуетін дамытуға қосқан үлесін атап өтті.
“Сүйікті әрі халық әртісі, театр және кино әртісі Жан Байжанбаевқа “Парасат” орденінің табысталуымен құттықтаймыз. Жан, Сізбен мақтанамыз және шығармашылық жолда жаңа жеңістер тілейміз”, – деп жазды Ерлан Бұхарбаев.
