Әнші Ернар Айдар Таразда жол үстінде видео түсіремін деп айыппұл арқалаған
2 544
Әлеуметтік желілерде әнші Ернар Айдар түсірген видео тараған. Кейін танымал әртістің жол қозғалысы ережелерін өрескел бұзғанын полиция көріп, жауапқа тартқан,- деп хабарлайды Оpennews.kz ақпарат агенттігі.
Көптеген қазақстандықтар видеодан әртісті оңай танығанын атап өткен. Олардың пікірінше, кадрларда әнші Ернар Айдар бейнеленген. Оның тек Instagram желісінде шамамен 2,8 миллион жазылушысы бар. Видеода ол өзінің қымбат көлігі мен көлік номерін көрсеткен.
Жамбыл облысы полиция департаменті видеоны мониторинг барысында анықтағанын хабарлаған.
"Азамат А. әкімшілік құқық бұзушылық туралы кодекстің үш бірдей бабы бойынша әкімшілік жауапкершілікке тартылды. Көлік құралын тоқтату немесе жол қағидаларын бұзғаны, жол белгілері мен жолақ таңбаларының талаптарын сақтамағаны, сондай-ақ жолды белгіленбеген жерден өткені үшін құқық бұзушыға айыппұл салынды", – деп түсіндірді полиция департаменті.
