Ләйлә Сұлтанқызы ақшасын қайтармай жүргендерді атады
2 506
Тележүргізуші Ләйлә Сұлтанқызы әлеуметтік желіде қарыз алып, ұзақ уақыт бойы қайтармай жүрген адамдар туралы пікір білдірген,- деп хабарлайды Оpennews.kz ақпарат агенттігі.
Ол өз жазбасында қарызды уақытында қайтармау мәдениетінің қалыптасып бара жатқанына алаңдаушылық білдірген.
«Осы деймін да, неге қарызға ақша алғандар завтраками кормят? 1 ай кешіктірсе түсінем, бірақ 1 жыл, 2 жыл, 5 жылдап бермей жүргендер оқып отырсаңдар, сәл ұялсаңдаршы… Уже өз ақшаңды сұрауға ыңғайсызданады екенсің. Әлде аттарын атап тұрып, жазайын ба? Көбін танисыздар», – деп жазды Ләйлә Сұлтанқызы.
Желі қолданушылары жүргізушінің пікірін қолдап, қарызды уақытында қайтару мәселесі қоғамда жиі кездесетінін атап өткен. Кейбір оқырмандар мұндай жағдайға өздерінің де тап болғанын айтып, пікір қалдырған.
