Серік Ибрагимов төртінші рет әке атанды
Қазақстандық танымал әнші Серік Ибрагимов пен оның жары Айнамкөз Әбдімаева төртінші рет ата-ана атанды, - деп хабарлайды Opennews.kz ақпарат агенттігі.
Бұл қуанышты жаңалықты әнші өз Instagram желісіндегі Stories-те бөлісті. Перзентханада түсірілген видеода Серік Ибрагимов жары мен жаңа туған нәрестесінің қасында тұрып, төрт саусағын көрсету арқылы шаңырағында төртінші перзенттің дүниеге келгенін меңзеп, оқырмандарынан сүйінші сұрады.
Өнер иесінің отбасы жайлы ақпарат:
Ерлі-зайыптылардың енді төрт баласы бар:
Хамза — отбасының тұңғыш ұлы;
Рабиа — отбасындағы қыз бала;
Шадияр — 2024 жылғы қаңтарда дүниеге келген ұлы.
Сондай-ақ бұған дейін жұлдызды жұп арнайы гендер-пати видеосын жариялап, отбасылары тағы бір ұл баламен толығатынын сәуірде сүйіншілеген еді. Ал, бүгін 28 шілдеде Серік Ибрагимов төртінші рет әке атанғанын жария етті.
