Әнші Сиви Махмуди 10 жыл отасқан күйеуімен ажырасты
937
Сиви Махмуди 10 жыл отасқан күйеуімен ажырасқанын мәлімдеді,- деп хабарлайды Opennews.kz ақпарат агенттігі.
Әншінің ажырасқанына 1 жылға жуықтаған.
"Күндер зулап, айлар алмасып, жылдар жалғасып жатыр. Екі бөлек кеткенімізге 1 жыл болып қалды. Өнерімдегі жаңалықтарды бақылап жүрген жұрт, жеке өмірімде не болып жатқанын қайдан сезсін?! Отбасымды қорғағым келді 10 жыл бойы. Ата-анамның үмітін ақтау үшін, балаларымның бағы бүтін болуы үшін барымды салдым. Ешкімді кінәламаймын. Бәрін кешірдім. Жылды осылай қорытындыласам да, Жаңа жылдан күтерім көп", - деп жазба қалдырды әнші Instagram әлеуметтік желісіндегі жеке парақшасында.
Өнер иесінің экс-жарының есімі - Аңсар Қажымұқанұлы. Қазіргі таңда, екі ұлы мен бір қызы өсіп келеді.
