Lady Gaga-ның продюсері Димаш Құдайбергенмен кездесті

Танымал америкалық продюсер Ральф Саймон Димаш Құдайбергеннің концерттеріне қатысу үшін АҚШ-тан арнайы Еуропаға ұшып келді, - деп хабарлайды Opennews.kz ақпарат агенттігі.

"Лос-Анджелестен Еуропаға менің концерттеріме қатысу үшін заманауи мобильді ойын-сауық индустриясының негізін қалаушы, танымал америкалық әнші Lady Gaga-ның продюсері Ральф Саймон келді. 
Ұзақ уақыт бойы байланыста болып, алғаш рет бірге суретке түстік. Үлкен идеялар мен ортақ жоспарларымызды талқыладық", - деп қуанышымен бөлісті Димаш.

Ральф Саймон Backstreet Boys, NSYNC, Бритни Спирс, Джастин Тимберлейк, Джанет Джексон сынды танымал өнер жұлдыздарымен бірге жұмыс істеген.