RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Шоу-Бизнес
86

Келіндерге туған күнін тойлауға болмайды

Әнші Жазира Байырбекованың енесі туған күнін тойлауға тыйым салған, деп хабарлайды Opennews.kz ақпарат агенттігі.


Отандық жұлдыз меншікті мерекесін тойламайтын жандардың қатарында. Әншінің бұл әдеті келін болып түскен жастық шағынан басталған. Сөзінше, енесі ауылда келіндердің туған күні тойланбайтынын кесіп айтқан. Содан бері Байырбекова екінші анасының айтқанын екі етпей келеді.


"Жақындап қалған туған күнімді биыл да тойламаймын. Тұрмысқа шыққанда апам (енем) "біздің ауылда келіндер туған күн тойламайды" деп айтқаннан бері тойламай келемін.

Ауылда қазір бәрі өзгерді. Менің санама қатты сіңіп қалды ма, өзгере алмай жүрмін.


Алдын ала айтып қояйын. Мен туған күнімде де жұмыста боламын.


Алла қаласа Қазбек үйленіп, келінді болып, бір саты өскеннен бастап құда-құдағиыммен бас қосып тұру үшін тойлаймын деп ойлаймын", - деп жазды Байырбекова Instagram парақшасында.


Желі қолданушылары әншінің бұл қылығына таңырқай қарады.


"Ененің айтқанын екі етпей тыңдау, ол - үлкен құрмет. Келін алған соң, бір саты көтерілгенде тойлармын дегеніңіз көргенділігіңіз. Аллам сізді құрметті болудан ажыратпасын. Отбасыңызға адал, инабатты келін келсін. Әдемі, сұлу болып жүре беріңіз", - деп жазды оқырмандардың бірі.