Айжан Байзақова мәһрге не сұрағанын айтты

Жақында тұрмысқа шыққан блогер Айжан Байзақова мешітте некесін қидырған болатын. Оның күйеуінен мәһрге не сұрағаны белгілі болды, - деп хабарлайды Opennews.kz ақпарат агенттігі.

Жаңа өмірге қадам басқан блогердің өміріне қызығушы оқырмандары көп. Желідегілердің бірі Байзақованың мәһрге не қалағанын сұраған. Ал Айжан Байзақова мәһрге мешітте ештеңе сұрамағанын жеткізді.

«Мешітте молданың көзінше ештеңе сұрамадым. Күйеуімнен жеке сұрағым келетінін айттым. Біз бұл тақырыпқа көп әзілдесетінбіз. Алайда көлігің де, қымбат ұялы телефоның мен киілмей жатқан тоның барда не сұрарыңды білмейді екенсің. Оның үстіне сәнді бұйымдарға қызықпаймын. Сондықтан әзірге нақты зат сұрамадым», - деді Байзақова.