Президент шыршасына қатысқан оқушыларға 100 мың теңгелік сертификат берілді

Биылғы президент шыршасы еліміздің барлық қаласы мен облыс орталығында өтті, деп хабарлайды Opennews.kz ақпарат агенттігі.




Биыл республика бойынша президент шыршасына 4 мыңнан астам оқушы қатысып, әрбір қатысушыға бағалы сыйлық пен 100 мың теңгелік сертификат табысталған. 

Биылғы жаңажылдық шыршаның тақырыбы "Қош келдің, Жаңа жыл – жаңа белес, жаңа арман!" болды.
Биыл шыршаға 9-13 жас аралығындағы 200 бала шақырылды. Еліміз бойынша кешке қатысқандардың жалпы саны 4 мыңнан асты, - деді оқу-ағарту министрлігі тәрбие жұмысы және қосымша білім беру басқармасы басшысының міндетін атқарушы Аман Сейітов.

Олар оқу үздіктері, түрлі конкурстар мен олимпиадалардың жеңімпаздары мен жүлдегерлері, жетім балалар, ата-анасының қамқорлығынсыз қалған балалар, аз қамтылған және көпбалалы отбасылардан шыққан балалар, сондай-ақ оқуда, спортта, шығармашылықта немесе қоғамдық өмірде жетістіктерге жеткен дарынды балалар.