Қытаймен шекарадағы автожол пункттері жабылмақ

21-23 қаңтарда Қазақстан-Қытай шекарасындағы автомобиль өткізу пункттері жабылмақ, деп хабарлайды Opennews.kz ақпарат агенттігі. 



Бұл туралы мемлекеттік кірістер комитеті хабарлады. Ведомствоның мәліметінше, бұл күндері көрші елдің азаматтары мереке атап өтеді. 

ҚХР-да Көктемді мерекелеуге байланысты 2023 жылғы 21-23 қаңтарда қазақ-қытай шекарасындағы автомобиль өткізу пункттерінде тұлғалардың, көлік құралдары мен жүктерді өткізу жүзеге асырылмайтындығын хабарлайды, - деп көрсетті Мемлекеттік кірістер комитеті.

Қазақстан-қытай шекарасындағы теміржол өткізу пункттері штаттық режимде жұмысын жалғастырады.

Тасымалдаушылардан және барлық шекараны кесіп өтуге ниет білдірушілерді енгізілген шектеулерді ескере отырып, өз бағыттарын алдын ала жоспарлауды сұраймыз, - делінген хабарламада.