Қорғаныс министрлігі департаментінің басшысы ірі көлемде пара алған

Қорғаныс министрлігіне қарасты бөлімше басшысы ұсталды, деп хабарлайды Opennews.kz ақпарат агенттігі.



Ол қорғаныс ведомствосының ақпараттандыру департаменті бастығының міндетін атқарған. Осы уақытта маман бейнеконференция байланыс жабдығын жеткізу мерзімдерін бұзып, қабылдау-тапсыру актісіне қол қойғаны үшін жеткізушіден 20 000 АҚШ доллар көлемінде пара алған.

Күдікті Астана қаласының тергеу сотының санкциясымен қамауға алынып, тергеу жүріп жатыр. Тергеу мүддесі үшін өзге ақпарат жария етуге жатпайды, - деп хабарлайды сыбайлас жемқорлыққа қарсы іс-қимыл агенттігі.