Шенеуніктер салынбаған жолды пайдалануға беріп, 450 млн теңгені қалтаға басқан

Солтүстік Қазақстан облысының шенеуніктері «Ауыл – Ел бесігі» мемлекеттік бағдарламасы бойынша ірі көлемдегі мемлекет қаражатын жымқырған, деп хабарлайды Opennews.kz ақпарат агенттігі.



Қаржылық мониторинг агенттік өкілдерінің мәліметінше, өңірде жол төсемі болмай тұрып, пайдалануға беру туралы құжаттарға қол қойылған. Жоспарланған 53,5 шақырым жолдың 27 шақырымы жоқ. Келтірілген шығын көлемі шамамен 450 миллион теңгені құрады.

Ғ.Мүсірепов атындағы ауданда жол салу кезінде жымқыру фактісі бойынша қозғалған қылмыстық істі тергеу нәтижесінде ұрлыққа қатысы бар адамдар анықталды. Іс сотқа жіберілді. Жергілікті тұрғындар үшін бұл жолдың салынуы облыс орталығынан шалғай орналасқандықтан әлеуметтік маңызы бар.

ҚМА Солтүстік Қазақстан облысы бойынша департаментінің осындай жұмыстарды жүргізуі қазір кейбір учаскелерде жұмыс істеп тұрған тас жол құрылысын қалпына келтіруге мүмкіндік берді.