13 жасар қызды алты жыл бойы зорлап келген ағасы өмір бойына сотталды

Жамбыл облысында туыстары тарапынан алты жыл бойы жыныстық зорлық көрген 13 жастағы қызға қатысты іс бойынша сот үкімі шықты. Қыздың екі ағасы қылмыстық жауапкершілікке тартылып, оларға тиісті жаза тағайындалды,- деп хабарлайды "Opennews.kz" ақпарат агенттігі.

Алты жасынан бастап қызды туған әкесінің ағалары жылдар бойы зорлап келген. Біреуі 35, екіншісі 37 жаста. Шындық оқушы жүкті болғаннан кейін бір-ақ ашылған. Алайда жүкті кезінде де ол мектепке барып жүрген, алайда ұстаздар оның жағдайын байқамаған. Қыз 13 жасында ана атанды.

Ал оны зорлаған екі азамат та 13 жасар қызды зорлағаны үшін колонияға жіберілді. Олар Қылмыстық кодекстің 120-бабының 4-бөлігі "кәмелетке толмаған кішкентай баланы зорлау" бойынша кінәлі деп танылды. Біреуі өмір бойы, екіншісі 20 жылға бас бостандығынан айырылды.