Елімізде 40 мыңға жуық адам жұмыс істегісі келмейді

Қазақстанда жұмыссыз бола тұра, оны іздеуге және еңбек етуге құлқы жоқ 39,5 мың адам тіркелген, - деп хабарлайды "Opennews.kz" ақпарат агенттігі. 

Ұлттық статистика бюросының мәліметіне сүйенсек, былтырғы жылдың төртінші тоқсанында Қазақстан экономикасының түрлі салаларында 9 миллион адам жұмыспен қамтылған. Олардың 6,9 миллионы жалдамалы қызметкер болса, 2,1 миллион адам өзін-өзі жұмыспен қамтушылар.

Бюро дерегінше, толық жұмыспен қамтылмағандар саны былтырғы үшінші тоқсанмен салыстырғанда 9,9 пайызға өсіп, 268,9 мың адам болды.

Былтырғы қорытынды бойынша жұмыссыз қазақстандықтар саны — 456,1 мың адам. Ал осы аралықта қызмет етуге құлықсыздар 19,3 пайызға төмендеді. Яғни, елімізде жұмыс істеуге ниеті жоқтар саны — 39,5 мың адам.