Қаз
Рус
Қызылорда облысында жаппай төбелес орын алды
Қызылорда облысы Қазалы ауданында жастар арасында жаппай төбелес орын алып, полиция бөліміне 8 адам жеткізілді, - деп хабарлайды "Opennews.kz" ақпарат агенттігі.
Оқиға 26 наурызда сағат 2.00 шамасында Қазалы ауданының орталығы Әйтеке би кенті Пірімов көшесінің бойында болды. Полиция бөліміне ер азаматтардың айқай-шу шығарып, бұзақылық жатқандығы туралы хабарлама түскен.
«Төбелеске қатысты деген 8 адам полиция бөліміне жеткізілді. Оқиға бойынша қалған азаматтарды анықтау бағытында тиісті шаралар жүргізілуде. Зардап шеккендер жоқ. Полицияға шағым түскен жоқ», - деп мәлім етті Қызылорда облыстық полиция басқармасынан.
Ведомство мәліметінше,бұл бойынша тергеу әрекеті жүргізілуде. Аудан аумағында қоғамдық тәртіпті қамтамасыз ету мақсатында патрульдік полиция мен учаскелік инспекторлардың нарядтары күшейтілген.
