Қызылорда қаласындағы маңызы бар даңғылдар аралығында абаттандыру жұмыстары басталды

29 наурыз 2023, 10:35

211

Қызылорда қаласында С.Бейбарыс көшесін Н.Назарбаев даңғылынан Тәуелсіздік даңғылына дейін абаттандыру жұмыстары басталды, - деп хабарлайды "Opennews.kz" ақпарат агенттігі.

«Қызылорда қаласы, С.Бейбарыс көшесін Н.Назарбаев даңғылынан Тәуелсіздік даңғылына дейін абаттандыру» жұмысы жобасы бойынша сараптаманың оң қорытындысы алынды. («ПрофЭксперт и К» ЖШС 2023 жылғы 16 қаңтардағы №ПЭК-0004/23 (оң) қорытындысы).

Анықтама үшін:

Ағымдағы құрылыстың жалпы сметалық құны – 1 741,740 млн теңге.

Құрылыс монтаждау жұмысы (СМР) – 1 393,638 млн теңге.

Жабдықтар – 1,758 млн теңге.

Басқа шығындар – 0,346 млн теңге.

Құрылыстың ұзақтылығы – 8 ай

Жобаның жалпы көлімі – 6284,1 м2

Орындық саны – 76 дана

Қоқыс жәшігі саны – 76 дана

Арық жүйесі – 62,9 м2

Ойын алаңы – 5 дана (комплект)

Жарық бағанасы – 108 дана

Жаяу жүргінші жолының көлемі – 6256,3 м2

Осы аталған жоба бойынша ағымдағы жылдың наурыз айының басынан бастап демонтаждау жұмыстары жүргізілуде. Атап айтқанда, осы кезге дейін болған 5 көздік жарық шамдары мен кеспе тастар алынды. Оның 5 көздік жарық шамдары ШЖҚ «Қызылорда тазалығы» МКК-нің қоймасына және бұзылған кеспе тастар Қызылорда қаласының білім бөліміне қарасты мектептер мен бала-бақшаларға алыс-беріс актісімен берілді.

"Қызылорда қаласы Назарбаев даңғылынан Тәуелсіздік даңғылына дейінгі аралықтағы Сұлтан Бейбарыс көшесін абаттандыру жұмыстарына бюджеттен қаражат қаралып, жұмыстар атқарылуда. Әкімдік алдындағы шыққан материалдар - қоршаулардың барлығы бөлім теңгеріміне алып, жиегіндегі бардерлердің бәрі мектеп, балабақшаларға есептеліп беріледі. Заттардың бәрі заңды түрде актіленіп қабылданады, ешкімнің мүлкі болып қалмайды", - деді қалалық тұрғын үй коммуналдық шаруашылығы жолаушылар көлігі және автомобиль жолдары бөлімі басшысының орынбасары Дархан Бақтияров.

Сонымен қатар, С.Бейраыс көшесінің бойындағы 107 дана талдың 104 данасы арнайы бейіктетілген жерге көшірілді және 3 данасы кесілгендігін хабарлайды.

Қазіргі таңда, Қызылорда облысы әкімдігінің ғимаратына кіре-берістегі қоршаулары алынуда. Осы алыңған қоршаулар С.Бейбарыс көшесі бойында орналасқан С.Шаухаманов атындағы №9 «Білім-Инновация» лицейіне алыс-беріс актісімен беріледі деп жоспарлануда.