Қызылордада төлем терминалдарына ұрлыққа түскендер ұсталды
Қызылордада төлем терминалдарына ұрлыққа түскен екі қала тұрғыны ұсталды, - деп хабарлайды "Opennews.kz" ақпарат агенттігі.
Полиция қызметкерлерінің мәліметінше, 29 сәуірде ойын-сауық орталығының қызметкері белгісіз адамдардың пластик терезені бұзып кіріп, 4 дана Playstation және 10 дана джостик құралын ұрлап кеткендігін айтып шағымданған.
Күдіктілерді полицейлер бейнекамералар арқылы анықтады. Қаланың 32-33 жастағы тұрғындары уақытша ұстау изоляторына қамалды. Айғақ заттар тәркіленді, – деді облыстық ПД криминалдық полиция басқармасының бөлім бастығы Нұғман Аманжолов.
ҚР ҚК 188-бабының 3-бөлігімен сотқа дейінгі тергеп-тексеру әрекеттері жүргізіліп жатыр. Тексеру барысында қарақшылардың ұрланған ақшаларды бас пайдаларына жаратқандығы анықталды.
