Көпқабатты тұрғын үйдің кіреберіс бетон маңдайшасы құлап, бір адам мерт болды
182
Ақтаудағы көпқабатты тұрғын үйдің бетон маңдайшасы опырылып, үш адам зардап шекті, - деп хабарлайды "Opennews.kz" ақпарат агенттігі.
Дерекке сүйенсек, оқиға 9-шы ықшам ауданда орналасқан №4 үйде болған. Тұрғын үй кіре берісіндегі бетон маңдайша құлап, сондағы 3 азамат зардап шекті. Тіпті бірі оқиға орнында көз жұмған.
Куәгерлердің айтуынша, олар – ескі маңдайшаны ауыстырмақ болған тұрғын үй шаруашылығы қызметкерлері.
“Қазір зардап шеккендер тексеріліп жатыр. Біреуінің аяғы сынған. Жалпы екеуінің де жағдайы тұрақты”, – деп хабарлады облыстық аурухананың баспасөз қызметі.
Оқиға орнында құзырлы орган жұмыс істеуде. Істің толық мән-жайы тексеріліп жатыр.
