80 жастағы қария 5 жасар қызды алмамен алдап қолындағы телефонын алып кеткен
102
Жамбыл облысында 80 жастағы қария 5 жасар бүлдіршіннің ұялы телефонын алмамен алдап алып кеткен, - деп хабарлайды "Opennews.kz" ақпарат агенттігі. 80 жастағы қарияның әрекетін ішкі істер министрлігі жазды. Дерекке сүйенсек, оқиға Байзақ ауданында болған. Полиция бөліміне 5 жасар қыздың анасы шағымданады. Арызда әйел белгісіз қарт кісінің кәмелетке толмаған қызының смартфонын алып кеткенін хабарлаған.
Күдікті бағасы 132 мың теңге тұратын гаджетті бүлдіршіннен алдау арқылы алмаға айырбастап алған.
Көп ұзамай 80 жастағы ер адам ұсталды. Ол өзінің кінәсін толық мойындады. Ұялы телефон тәркіленді.
Қазіргі уақытта қылмыстық кодекстің 190-бабы 1-бөлігі бойынша сотқа дейінгі тергеу амалдары басталды.
