Елімізде зиянды азық-түлік өнімдеріне салық салынбақ

84

Мәжіліс депутаты Маггерам Маггерамов Қазақстанда зиянды азық-түлік өнімдеріне салық енгізуді ұсынды - деп хабарлайды "Opennews.kz" ақпарат агенттігі.


Мәжілісменнің айтуынша, соңғы он жылда мұндай салықтар Дания, Эквадор, Мысыр, Франция, Венгрия, Мексика, АҚШ және басқа да мемлекеттерде қалыптасқан. Медицина мамандарының пікірінше бұл қабылдаған шешімдер халықтың денсаулығына оң әсерін тигізді. Өйткені олар зиянды тағамдарды тұтынудың төмендеуіне әкелді.


"Салықтың бұл түрі енгізілген елдерде азық-түлік өнімдерін өндірушілер мен сатушылардың 70 пайызына дейін зиян өнімдер санын азайтты.

Сондықтан, біз зиян өнімдерге салық салуды және пайдалы өнімге төмен бағамен қамтамасыз етуді ұсынамыз. Пайдалы өнімдерді сатып алатындар табысы бар отбасылар", - делінген Маггерамовтың премьер-министрге жолдаған депутаттық сауалында.


Сонымен қатар, депутат Маггерамов жидек пен саңырауқұлақ теруге салынатын салықты сынға алды.


"Жидектер мен саңырауқұлақтарды теру маусымдық жұмыс, әдетте оларды қарт тұрғындар, ата-әжелер мен немерелері тереді. Сонда салықты кімнен алмақшысыз? Оларға айыппұл салғыңыз келе ме? Бұл деректер жидектер мен саңырауқұлақтарға салынатын салықтың дұрыс еместігін көрсетеді. Қарт кісілерден алған салықтан бюджетке үлкен қаржы түспейді", - деді мәжілісмен.


Бұған дейін Мемлекеттік кірістер комитеті 2024 жылдың 1 қаңтарынан бастап салық заңнамасына енгізілген өзгерістерге сәйкес орман және өсімдік ресурстарын пайдаланғаны үшін төлемақы енгізілетінін хабарлаған болатын. Ел арасында бұл жаңалық біраз талқылауға түсті.