Балалар мінген автобус отқа оранды
53
Оралда балалар мінген автобус тұтастай жанып кетті, - деп хабарлайды "Opennews.kz" ақпарат агенттігі.
Балалар отырған автобустың жанып кеткенін БҚО төтенше жағдайлар департаменті растады. Оқиға бүгін түскі сағат 12:40-тар шамасында болған.
“Г. Бельгер көшесінің бойында жекеменшік “ПАЗ” маркалі автобусы тұтастай жанып кетті. Балалар сыртқа қашып үлгерген. Абырой болғандай жарақат алғандар мен зардап шеккендер жоқ”, – делінген ақпаратта.
Өрт араға жарты сағат салып сөндірілген. Автобустың сау-тамтығы қалмады. Оқиға орнында 1 бірлік техника мен 6 өрт сөндіруші жұмыс істеді.
Әзірге оттың неден тұтанғаны белгісіз.
