Жасөспірім қызға жыныс мүшесін көрсеткен ер азамат ұсталды
212
Батыс Қазақстан облысында көшеде 15 жастағы қызға жыныс мүшесін көрсеткен ер азамат ұсталды, деп хабарлайды Opennews.kz ақпарат агенттігі “Мой город” сайтына сілтеме жасап.
15 жастағы қыздың анасы әлеуметтік желілерде ер адамның қара "Приорадан" түсіп, қызына жақындап, "Ескі собор"аялдамасында тұрған кезде жыныс мүшесін көрсеткенін жазды. Оның айтуынша, оқиға 16 қыркүйек күні таңертең болған. Қыз бала көлік нөмерін есте сақтай алды.
БҚО полиция департаменті баспасөз қызметінің ақпараты бойынша, тәртіп сақшылары жедел-іздестіру іс-шараларына кірісіп, тез арада құқық бұзушыны анықтаған. Ол 35 жастағы ер адам болып шықты және әрекетін мойындады. Полиция ұсталған адамның әрекетін “бұзақылық” деп атады. Қазіргі таңда сотқа дейінгі тергеу болып жатыр.
