Бассейнге батып көз жұмған қыздың әкесі әйелін жазалауды сұрауда
Қостанай облысының тұрғыны қызының өлімі үшін әйелін жазалауды сұрады, - деп хабарлайды "Opennews.kz" ақпарат агенттігі Tengrinews.kz сайтына сілтеме жасап.
Ер адамның бейнежазбасы әлеуметтік желілерде пайда болды. Ол биыл 15 шілдесінде бір жарым жасар қызы мерт болғанын айтты. Қайғылы оқиға Жітіқардағы монша кешенінде болған. Баланың әкесі әйелінің кесірінен кішкентай қызы бассейнге құлап, суға батып кеткенін айтады.
"Бала суға батып кетті, оның үстінен әкімшілік іс қозғамақ болдым. Қылмыстық іс қозғалды, бірақ ешқандай қимыл-қозғалыс жоқ. Әділдік қайда, Кәмелеттік жасқа толмағандардың істері бойынша іс жүргізу бөлімі неге жұмыс істемейді?" – дейді марқұм қыздың әкесі.
Сондай-ақ ер адам қызын өз қамқорлығына алу үшін тиісті органдарға бұған дейін жүгінгенін айтты. Бірақ соттылығына байланысты одан бас тартқан. Қостанай облысының полицейлері жас қыздың өлімін растады. Сондай-ақ олар: әйелдің төрт баласы болғанын, екеуі қайтыс болғанын, тағы екеуі әжесінің қолында тәрбиеленіп жатқанын хабарлады.
"2016 жылы Лисаков қаласында бірінші 4 айлық баланың өлімі осы фактіні Лисаковск Ұйымдасқан қылмыстық бөліміне тіркеу және сотқа дейінгі тергеу жұмыстарымен расталды. Тергеу қорытындысы көрсеткендей, жиналған айғақтардың жиынтығы бойынша қылмыстық құқық бұзушылық құрамының болмауына байланысты іс тоқтатылды", - деп хабарлады Қостанай облыстық полиция департаментінің баспасөз қызметі.
Сондай-ақ полиция әйелдің 2021 жылы ата-ана құқығынан айырылғанын хабарлады. Содан кейін ол Жітіқараға қоныс аударып, жергілікті тұрғынмен, яғни бассейнге батып кеткен қыздың әкесімен азаматтық некеде тұрған.
Полицейлер әйелдің азғын өмір салтын ұстануын жалғастырғанын, ол ҚР ӘҚБтК-нің 127-бабы "Кәмелетке толмаған баланы тәрбиелеу және (немесе) оқыту, құқықтары мен мүдделерін қорғау жөніндегі міндеттерді орындамау" бойынша жауапкершілікке тартылып, ювеналды полицияда профилактикалық есепке алынғанын атап өтті.
"Кіші бір жарым жасар баланың өлімі фактісі бойынша жиналған материалдар, куәлардың айғақтары және бейнебақылау камераларының жазбалары, сондай-ақ тиісті сараптамалардың қорытындылары негізінде ананың әрекетінен қылмыстық құқық бұзушылық белгілері анықталған жоқ.
Сонымен қатар, баланың әкесінің бұрын соттылығы болған. Барлығы 13-ке жуық қылмыстық құқық бұзушылық жасаған. (...) Төрт рет түрмеде отырған. Оқшауланудың жалпы мерзімі 13 жылға жуық болды. Баланың ата-анасының біреуінің тұрғылықты жері туралы дауды шешу мәселесі "Баланың құқықтары туралы" Қазақстан Республикасының Заңына сәйкес айқындалады. Ол қорғаншылық және қамқоршылық органдарының құзыретіне жатады. Бұл туралы Жітіқара қалалық ІІБ-нің ювеналды полициясы қыздың әкесіне бірнеше рет түсіндірді" - деді Қостанай облыстық полиция департаментінің баспасөз қызметі.
