Қаз
Рус
Мас күйінде көлік жүргізген мектеп директоры 15 тәулікке қамалды
1 534
Павлодарда ауыл мектебінің директоры мас күйінде көлік жүргізіп, 15 тәулікке қамауға алынды, - деп хабарлайды "Opennews.kz" ақпарат агенттігі.
Директор 15 қыркүйекте ұсталды.
"Сот отырысында ер адам алкогольді ішпегенін түсіндіріп, өз кінәсін мойындамады. Сонымен қатар, сотта жүргізушінің дәлелдері сот-медициналық сараптаманың қорытындысымен, лауазымды тұлғаның түсіндірмесімен және полицейдің жетонындағы бейнежазбамен жоққа шығарылды", – делінген хабарламада.
15 тәулікке әкімшілік қамауға алудан басқа, директор жеті жыл мерзімге көлік құралдарын басқару құқығынан айырылды.
Қаулы заңды күшіне енген жоқ.
