Қазақстанда жүргізушілерді дайындайтын жеке нұсқаушылардың қызметі жойылмақ

Еліміздегі жүргізушілерді дайындап жүрген нұсқаушылардың қызметі тоқтатылуы мүмкін, - деп хабарлайды "Opennews.kz" ақпарат агенттігі.

Ішкі істер министрлігі жүргізуші куәлігін алудағы емтихан ережелеріне бірқатар өзгерістер енгізуді жоспарлады.

Енді медициналық анықтамалар мен дайындық курсынан өткенді растайтын куәлікті электронды нұсқаға көшіру қарастырылып жатыр. Сондықтан рұқсаты болмаса да, жүргізушілерді дайындайтын жеке нұсқаушылардың қызметі тоқтатылады. Көлік жүргізіп үйренгісі келетіндер  кәсіби орталықтардың қызметіне жүгінеді. Осы арқылы жолдағы қауіпсіздікті күшейтуге мүмкіндік туады дейді мамандар.