Енді жұмысқа орналасар кезде әскери билет сұралмайды
Енді жұмысқа орналасу немесе оқуға түсу кезінде заңды тұлғалар әскери билет талап етпейтін болды, - деп хабарлайды "Opennews.kz" ақпарат агенттігі.
Қорғаныс министрлігінің мәліметінше әскери қызмет өткеруге жататын адамдарды және мерзімді әскери міндеттілерді әскери есепке алу қағидаларының 6-тарауына сәйкес заңды тұлғалар әскери есепке алуды жүргізуге міндетті.
Қарулы Күштердің жүргізіліп жатқан цифрлық трансформациясы бұл талаптарды жоюға мүмкіндік берді.
Қорғаныс министрлігі Еңбек және халықты әлеуметтік қорғау министрлігімен және Мемлекеттік қызмет істері агенттігімен бірлесе отырып, заңды тұлғаларға Әскери есепке алуды жүргізу қағидаларында көзделген қызметкердің жеке билеттерін толтыру үшін қажетті әскери есепке алу туралы ақпаратты алуға мүмкіндік беретін бірегей қызметтерді іске қосты. Енді осы санатқа ESUTD АЖ-де қызметкерлердің есебін жүргізетін үкіметтік емес ұйымдар да, Е-Қызмет АЖ-де қызметкерлердің есебін жүргізетін мемлекеттік органдар да кіреді.
