Ақтаулық никабқа оранған қыз Ринат Зайытовты азаптайтынын айтты
2 502
Түн ортасында ақтаулық бойжеткен әлеуметтік желіде Ринат Зайытыпты аяусыз азаптайтынын жеткізді, - деп хабарлайды "Opennews.kz" ақпарат агенттігі.
Тик-ток әлеуметтік желісінде түн уақытында тікелей эфирде отыратын никаб киген блогер қыздар көп. Олар үнемі елдің сұрағына жауап беріп, діни ұстанымға сай өмір сүруді насихаттайды. Осы жолы қара жамылған ақтаулық қыздардың бірі жұртты шошытатын мәлімдеме жасады. Оны естіген жұрт оранғандардан қорқа бастағандарын жарыса жеткізді.
"Қандай адамсыңдар? Сатқынсыңдар! Ринат қалай өз дінін сатып отыр, сендер сондай сатқынсыңдар. Ринаттың атасына нәлет маған келгенде. Мен ислам дініне, намазхандарға тіл тигізген адамдарды аямаймын. Мынаны тықсам да аямас едім. Қолыма түспейтінін қарашы, сотталсам да мынаны (қолындағы бөтелке) тесігіне тығатын едім. Сұбхан Алла, дәл соған, дәл Ринатқа күшім жетеді", - деді никабқа оранған қыз.
Мұны көрген жұрт ҰҚК көмек сұрап, қара оранып желіде отыратын қыздарды тексеруді өтініп отыр.
