Жігіт бойжеткенді алғашқы кездесуде өлтіріп кеткен
Оқиға туралы марқұмның туысы Instagram парақшасында жазба жариялады,- деп хабарлайды "Opennews.kz" ақпарат агенттігі.
Айтуынша,16 қазан күні кешке Айнагүл Кенчебаева Алматыдағы дәмханалардың бірінде жігітпен кездессуге барған. Желідегі мәліметтерге қарағанда, олар басында жақсы байланысты әңгіме-дүкен құрған. Алайда сәлден соң оның серігі қызға жақындай бастаған. Атап айтқанда, ол қыздың денесіне қол жүгірткен. Шошыған қыз бірден полиция шақырған.
"Кафедегі демалушылар жігіттің қызды көшеге сүйреп шыққанын көрді. Бірақ бәрі араласудың қажеті жоқ деп ойлаған. Ал қазір сол кезде көшеде шын мәнінде не болғанын ешкім білмейді. Алайда 20 минуттан кейін Айнагүл хабарласқан полицейлер оның денесін тауыпты", — деп жазады Instagram желісіндегі автор.
Жәбірленушінің туыстары күдіктінің жауапкершіліктен жалтаруға тырысып жатқанын жеткізді. Деректерге сай ер адам оны өлтіргісі келмегенін жай итерген кезде қыз құлап, басын жол жиегіне соғып, көз жұмғанын айтып ақталуда.
Дегенмен жігіт оқиғадан соң қыздың ұялы телефонын алып кетіп қалған. Бірақ кейін құрылғыны қайтару үшін қайтып оралған.
"Бұл тонау ма? Әлде ол оның телефонын алса, сол түні кіммен кездескенін білмей қалады деп ойлады ма? Солай қылмысын жасыруға тырысқан шығар. Оқиғадан кейін үйімізге ұсталған азаматтың туыстары келді. Олар кешірім сұрайды. Ал қызымызды өлтірген олар емес, олардың ұлы ғой. Айтпақшы жігіт отбасындағы жалғыз ұл. Бірақ біз кешірмейміз, қызымыздан айырылдық, оның өлімі үшін ол жауап беруі керек", - деді қыздың туыстары.
Полиция қылмыстық істі абайсызда адам өліміне әкелуі фактісі деп топшылап отыр екен. Осыған байланысты марқұмның туыстары ер адамға әділ жаза беруді сұрап отыр.
Алматы қалалық ІІД баспасөз қызметі Түрксіб аудандық унитарлық кәсіпорнында аталған фактіге қатысты ҚР Қылмыстық кодексінің 99-бабы 1-бөлігі "Адам өлтіру" бойынша сотқа дейінгі тергеу жүргізіліп жатқанын хабарлады.
"Бұл қылмысты жасады деген күдікті 1991 жылы туған азамат Т., ұсталып, уақытша ұстау абақтысына қамалды. Қылмыстық істің шеңберінде тергеу әрекеттері тергеудің объективтілігі, жан-жақтылығы және толықтығы қағидаттарын қатаң сақтай отырып жүзеге асырылады. Сараптама тағайындалды. Тергеу барысы Полиция департаменті басшылығының бақылауында", - деп түсіндірді тәртіп сақшылары.
