Жедел жәрдем көлігі жол жиегінде дөңгелек ауыстырып тұрған жүргізушіні қағып өлтірді

Талдықорғанда жедел жәрдем көлігі жеңіл мәшинені соғып, бір адам мерт болды, деп хабарлайды "Opennews.kz" ақпарат агенттігі.

Оқиға 30 қазанға қараған түні Талдықорғанның орталығында Audi 80 және Hyundai Solati автокөліктерінің қатысуымен болды.

54 жастағы жедел жәрдем көлігінің жүргізушісі Балпық би көшесімен келе жатып, жол жиегінде тұрған Audi көлігін соқты.

Соққы кезінде неміс шетелдік көлігінің 37 жастағы жүргізушісі жолаушысымен бірге көліктің артқы дөңгелегін ауыстырып жатқан. 

Жеңіл көлік жүргізушісі оқиға орнында қайтыс болды.