Қол-аяғы скотчпен байланған: 7-сынып оқушысы көшеден жалаңаш күйде табылды
1 888
Шу облысында жетінші сынып оқушысы көшеден қол-аяғы байланған, жалаңаш күйде табылған, - деп хабарлайды "Opennews.kz" ақпарат агенттігі.
Оқиға 24 қазанда болған. Мектеп оқушысын зейнеткерлер тапқан. Қыз ес-түссіз күйде көшеде жатқан.
"Қыздың аяғы мен қолы скотчпен байланған, аузына шүберек тығып қойған. Шалбары мен ішкиімі шешілген. Жасөспірімді босатып, аузынан шүберекті алғанда, есін жиды", - делінген басылым мәліметінде.
Куәгерлер полиция мен қыздың туыстарын шақырған. Мектеп оқушысы патронатта тәрбиеленетіні белгілі болды.
Құзырлы органдар ақпаратты растады. Бұл дерек аудандық полицияда тіркелген. Жәбірленушіден сараптама, жауап алынды.
Сонымен қатар, күдіктілер анықталғаны, жауап алынғаны айтылған.
