Болат Назарбаевтың жаназасына келген қонақтар қатаң тексерістен өтуде

Алматы облысы Қарасай ауданы Шамалған ауылында Болат Назарбаев жерленді, - деп хабарлайды "Opennews.kz" ақпарат агенттігі.

14 қарашада Шамалғанда экс-президент Нұрсұлтан Назарбаевтың інісі Болат Назарбаевтың жаназасы шығарылды. 

Үйге бірнеше кортеж келген, ал көліктен түскен адамдар беттерін жасыруға тырысыпты. Жаназа шығарылғаннан кейін қонақтар зират басына бет алған.

Сонымен қатар Болат Назарбаевтың жаназасына экс-президент Нұрсұлтан Назарбаев пен премьер-министр Әлихан Смайылов келді. 

Сондай-ақ жерлеу рәсіміне байланысты көше жабылған. Ал келген қонақтарды күзет қатаң тексерістен кейін ғана кіргізді.

Бұған дейін ол соңғы 2 жыл бойы төсек тартып жатқаны туралы хабарланған еді. Оған қант диабеті мен бүйрек жеткіліксіздігінің салдарынан асқынған көмей қатерлі ісігі диагнозы қойылған.