Екі полиция қызметкері 14 жастағы оқушы қызды зорлап, видеоға түсірген
Желіде анонимді дереккөзден Қонаев қаласында екі полицияның қызмет бабын пайдаланып, 14 жастағы оқушы қызбен жыныстық қатынасқа түсіп, оны видеоға түсіріп алғаны туралы ақпарат тарады, - деп хабарлайды "Opennews.kz" ақпарат агенттігі.
“Не молчи” қорының Instagram парақшасына зорлық көрсеткендердің бірі – кәмелетке толмағандар істері жөніндегі инспектор болса, екіншісі – күзет бойынша полиция қызметкері.
Екі полицей оқушы қызға істеген әрекеттерін видеоға түсіріп, басқаларға тартқан деген ақпарат бар. Ал оқиға басшылыққа жеткен кезде іс насырға шаппай тұрып екі қызметкер де оқиға күнінен бұрынғы датамен жұмыстан шығарылған.
Қордың айтуынша, бұл туралы бүкіл полиция бөлімі білсе де, үндемейді.
Осыған байланысты балалардың құқығын қорғау комитетінен Динара Закиева екі күдіктінің де қазір қамауға алынғанын хабарлады.
