Ер адам қолын балтамен шауып алған

Қолын балтамен шауып алған науқасқа павлодарлық хирургтер көмектесті, - деп хабарлайды "Opennews.kz" ақпарат агенттігі.

Қалалық аурухана мәліметінше, былтыр 7 қазанында №1 ауруханаға қолын шауып алған науқас түскен. Владимир Дмитриенко өз үйінің ауласында ағаш кесіп отырған кезде байқаусызда балтамен қолын ұрып жіберген. Травматологтар, қан тамырлары хирургтері, анестезиологтар мен медбикелерден тұратын дәрігерлер тобы қолды тікті.

Бүгін қалалық ауруханаға облыстық мәслихат депутаттары келіп, дәрігерлерге алғыс хат табыс етті.

Сәтті ота жасаған дәрігерлер: Нұржан Қазкен, Тимур Сексембаев, Руслан Исмаилов, Досымхан Қасымханов, Ернұр Нүркебаев, Майя Қажкенова, Мағзира Қалкенова.